БУЛ СЕНИН ПАРЛАМЕНТИҢ

2010-жылы Кыргыз Республикасы парламенттик демократия жолуна түшкөн. Жаңы конституция Жогорку Кеңештин көп партиялуу курамына жана аткаруу бийлик бутагын уюштурууда жана көзөмөлдөөдө кеңири ыйгарым укуктарга кепилдик берет.

Күчтүү жана натыйжалуу парламентти курууда өлкө жарандарынын анын ишине активдүү тартылышы талап кылынат. Муну шайлоочулардын депутатардын, комитеттердин жана партиялык фракциялардын иши тууралуу толук кандуу маалыматы болгондо гана камсыздоого болот.

Кыргыз Республикасынын Жогорку Кеңешинин аталган ачык маалыматтар порталы алтынчы чакырылыштагы (2015-2020-жылдар) депутаттардын иши жана беш жыл ичинде кабыл алынган мыйзам долбоорлору тууралуу маалыматты камтыйт. Тутум ар-кыл критерийлер жана тематикалар боюнча ылгоо жүргүзүп, алынган маалыматты талдоого мүмкүндүк берет. Маалыматтын жеткиликтүүлүгүнө жараша жарандар тигил, же бул партияга добуш берүүдө салмактанган чечимдерди кабыл ала алат жана айрым депутаттардын ишинин натыйжалуулугуна мониторинг жасай алат.

Сиз Кыргыз Республикасынын Жогорку Кеңеши кандай иштеп жаткандыгын түшүнүүңүз үчүн эксперт болуунун зарылдыгы жок. Ошондой эле сиз жаңылыктар түрмөгү менен гана чектелип калбайсыз. Бул сенин парламентиң, бул биздин парламентибиз!